بسم الله الرحمن الرحيم
كلنا بيتبعتلنا ايميلات ، وأغلبها بتبقى أحاديث
جربت ادور على اصل حديث فى مرة من موقع الدرر السنية للأحاديث ولم اجد له وجود "على جميع الدرجات حتى الضعيفة
ولقيت زرار مكتوب عليه "الأحاديث المنتشرة على الانترنت" ودورت على الحديث هناك ولقيت انه ليس له أصل
وبقيت ادور على معظم الأحاديث اللى بتتبعتلى وكتير كنت بلاقى "ليس له أصل,درجته كذب...الخ"
و كان فى مرة ايميل عنوانه "الحديث الذى تم بين الرسول -عليه الصلاة والسلام- وبين ابليس"تقريبا
فدورت عليه ولقيته مش صح وكذب
وكان مكتوب فى نفس الايميل انه ليس صحيحا وانما ارسلته لنأخذ منه عبرة !!!
والطريف كمان انه حاطط لنك لفتوى بتقول انه غلط ولا يجوز اننا نتادوله بغرض العبرة او الاتعاظ منه !!!
انا عارفة ان الايميلات بتبقى كتييير ومش هنقدر نتقصى حقيقة كل حديث مبعوتلنا بس أقل حاجة اننا نبعت اللى اتأكدنا منه
ولو عندك وقت دور فى موقع درر عليه وغيره كمان زى اسلام ويب وموقع تانية بتقى فيها فتاوى للأحاديث دى
وممكن لما تيجى مناسبة وعايزيى الاحاديث تبع المناسبة دى "او اى حاجة" نبحث باردو بكلمة معبرة وهيطلع نتايج كتير ،ده غير اصحابنا والناس اللى ممكن نسألهم
نحن قوم اعزنا الله بالإسلام
6 comments:
جزاك الله خيرااااا و فعلا كلامك ده انا حاولت اقوله لناس كتير بس مفكرتش اعمله بوست
فجزاك الله خيرا
جزانا وإياكى :)
يارب الناس كلها تحس بأهمية الموضوع
و تنقل الكلام صح ونبطل ن"فوروورد" الايميلات قبل ما نحاول نتأكد من صحة الكلام أياً كان
إن شاء الله نتغير :)
السلام عليكم :)
جزاكي الله خيرًا على الموضوع
هو لو الواحد معندوش وقت حتى انه يتحرى ف ممكن يأجل بعت البريد
يعني مش لازم اي حاجة تجيلي ابعتها لكل الناس
عشان منكنش بننشر الغلط يعني
في برده نقطة مهمة
الملاحظات الفظيعة اللي بتكون موجودة في الآخر
"لازم تبعت الميل ده او هيحصلك حاجة وحشة في خلال يومين"
"انت حلفت انك تبعته يبقى لازم تبعته دلوقتي"
"لو بتحب ربنا تبعت الميل و لو مبعتوش يبقى انت متستهلش الثواب بتاعه"
يعني لازم تبعت حتى لو الكلام اصلًا مش صح؟؟
بصراحة بتدايق اويي من الكلام ده
و عادة لو الميل حلو و نفسي ابعته لحد بشيل الكلام ده قبل اما ابعته
و هو فعلًا موضوع مهم
جزاكي الله خيرًا :)
جزانا وإياكى :)
انا باردو مش بحب الجمل دى
وكمان بمسحها وبمسح الايميلات اللى كانت مبعوتالها قبل كده والحاجات الزيادة اللى تحت
من منطلق الانجاز بدل ما اعض انزل بالماوس 2 متر ولا حاجة :D
شكرا لردودكم المفيـــــدة بجد :)
ربنا يكرمكوا :)
Thaaaaaaanks Sara bgd Gzaky Allah 5yrn .... el mohem en el resala weslt :)
bas ana btl5bt bin el blog bta3k w bat3 Noran :D >>>>>
Post a Comment