Arabic ... لغة القرآن

السلام عليكم ورحمة الله وبركاته

 الناس بقى كلامها معايا نصه انجليزى ... مع ان الكلام ده ليه ترجمة بالعربى :D

انا من الناس اللى الانجليزى بتاعهم فيه كلام ماعرفش معناها عشان كده معظم الوقت ماحد يتكلم اقوله يترجم

طيب الفرانكو عربى ومشكلته اتحلت للناس اللى مابتفهموش وبقى فى ياملى و ميكروسوفت مارين

الواحد بيبقى عربى مصرى ومسلم وعايش فى مصر ولسانه بيتعوج نص الكلام ... ربنا يعين الناس اللى برة :D

هو لو كل واحد بيتكلم انجليزى فى كلامه يترجمه "و ساعات مش بيكون عارف :D" 

او حتى يحاول يترجمه ، هو هيكون العربى عنده بيتحسن واللى بيكلمه الانجليزى بتاعه هيتحسن 

ودى كانت عقدة الانجليزى فى الشعب المصرى اللى اتمنى ان كل الناس تستفيد منها